*తెలంగాణ మహిళా సాహిత్య సదస్సు*
***************************************
- డాక్టర్ భీంపల్లి శ్రీకాంత్
మార్చి 9 & 10 : 2019
గుండెల్లో నిత్యం ఎన్నో బాధల గునపాలు దిగుతున్నా
పెదవులపై చిరునవ్వులను వెలిగిస్తూనే ఉంటాను
బాధలు జీవితాన్ని రాపిడిపట్టే అసలైన వజ్రకవచాలు
కళ్ళల్లో ఎన్నో కన్నీటి సముద్రాలు పొంగిపొర్లుతున్నా
ముఖంలో నిట్టూర్పులను కనుమరుగు చేస్తుంటాను
వేదనలు జీవనతీరాన్ని చేర్చే అనంతమైన కెరటాలు
మదిసాగరంలో ఆటుపోట్ల అలజడులు రేగుతున్నా
మనసులో బాధఛాయలను కప్పిపెడుతూనే ఉంటాను
జీవితంలోని కష్టాలు కనురెప్పల్లో దాగిన కడగండ్లు
వసంతంలాంటి జీవితంలో శిశిరగ్రీష్మాలు ప్రవేశిస్తున్నా
హేమంతశరత్ రుతువుల్లా వెన్నెలై వెలుగుతుంటాను
ఆరురుతువులు జీవితంలో వచ్చే వెన్నెలవడగాడ్పులు
కలికాలపు సుడిగుండంలో క్షణాలన్నీ కొట్టుకుపోతున్నా
రోజూ జీవితాన్ని ఎండమావిలా గడుపుతూ ఉంటాను
కష్టాలు సుఖాలు కాలానికి పూచిన ఎండిపోని పూలు
***************************************
- డాక్టర్ భీంపల్లి శ్రీకాంత్
మార్చి 22 : 2018
నవ్య మీడియా
నీ ప్రేమఊసులు చుట్టుముడుతున్నప్పుడల్లా
జ్ఞాపకాల వరదలో నిత్యం కొట్టుకుపోతుంటాను
ప్రేమంటే అనుభూతుల పరిమళపు సాగరం
నీ స్నేహ పరిమళాన్ని ఆస్వాదిస్తున్నప్పుడల్లా
అనుభూతి తరంగాలలో ఓలలాడుతుంటాను
ప్రేమంటే అనురాగపుతోటలో పూచిన సుగంధం
నీ తలపుల జడివానలో తడిసిపోతున్నప్పుడల్లా
వలపుల సాగరంలో అలలా ఎగసిపడుతుంటాను
ప్రేమంటే ప్రణయతోటలో విరబూసిన మల్లెతీగ
నీ విరహపు వేదనలో చిక్కుకున్నప్పుడల్లా
సాగరంలోని చేపపిల్లలా కొట్టుమిట్టాడుతుంటాను
ప్రేమంటే చేదుగుళికలా ఎడబాటు పరీక్ష
నీ గుండెగుడిలో కొలువుతీరాలనుకున్నప్పుడల్లా
ఊహల కెరటాల్లో ఉక్కిరిబిక్కిరైపోతుంటాను
ప్రేమంటే ఆనందవిషాదాల అనురాగసంగమం
***************************************
- డాక్టర్ భీంపల్లి శ్రీకాంత్
మార్చి 24 : 2018
నవ్య మీడియా
*తెలంగాణ మహిళ* పుస్తకాన్ని ఆవిష్కరణ
తెలంగాణ మహిళా సాహిత్యం రాష్ట్ర స్థాయి సదస్సు మరియు తెలంగాణ మహిళా కవిసమ్మేళనంలో *తెలంగాణ మహిళ* పుస్తకాన్ని ఆవిష్కరిస్తున్న తెలంగాణ సాహిత్య అకాడమీ అధ్యక్షులు డాక్టర్ నందిని సిధారెడ్డి గారు, ఎంపీ ఎ.పి.జితేందర్ రెడ్డి గారు తదితరులు.
****************************************
- డాక్టర్ భీంపల్లి శ్రీకాంత్
మార్చి 09 : 2018
దీనికి సబ్‌స్క్రయిబ్ చేయి:
పోస్ట్‌లు (Atom)