🌷 జీవిత మొగ్గలు 🌷
స్వచ్ఛమైన బాల్యం ఆహ్వానం పలుకుతుందా
సుకుమారమైన కౌమారప్రాయం అరుదెంచుతుంది
బాల్యం ఎప్పటికీ మనిషి జ్ఞాపకాల గంధపుచెట్టు
కౌమారం ఎగిసే యవ్వనానికై ఆరాటపడుతుందా
వింతవింత కోరికలను కలగంటూనే ఉంటుంది
కౌమారం ఎన్నటికీ చంచలస్వభావపు చిత్తరువు
యవ్వనం ఎగిసిపడే కెరటంలా దూసుకొస్తుందా
ఆశల కలలసౌధాన్ని నిర్మించుకుంటూనే ఉంటుంది
యవ్వనం రెక్కలపూలు పూచే ఊహల పూలవనం
ప్రౌఢవయసు నడిసంధ్రంలో నావలా పయనిస్తుందా
ఆటుపోట్ల అలజడులను తట్టుకుంటూనే ఉంటుంది
ప్రౌఢవయసు జీవితాన్ని రాపిడిపట్టే బాధలయంత్రం
వృద్ధాప్యం జీవిత చరమాంకంలోకి అడుగేస్తుందా
ముందుతరాలకు దారిచూపే దిక్సూచి అవుతుంది
వృద్ధాప్యం అనుభవాలను బోధించే పాఠశాల గది
*****************************
✍✍ డాక్టర్ భీంపల్లి శ్రీకాంత్ 🌷
🌷 మనం 🌷 దినపత్రిక 🌷
🌷 జులై 03 🌷 2018 🌷
కామెంట్లు లేవు:
కామెంట్ను పోస్ట్ చేయండి