🌷 కవితా మొగ్గలు 🌷
నేటి నిజం దినపత్రిక 28-03-2018 |
కవిత్వం పదాల తోరణమేమి కాదు
పేదవాడి గుండెను తడిమే ఆప్తనాదం
కవిత్వమంటే అక్షరాలతో వెలిగే కిరణం
కవిత్వం అక్షరాల పూదోటేమి కాదు
అవినీతి అక్రమాలకు సింహస్వప్నం
కవిత్వమంటే అధర్మానికి నిరసనగీతం
కవిత్వం చైతన్య గీతికలేమి కాదు
సమాజాన్ని తట్టిలేపే సమరనాదం
కవిత్వమంటే సామాజిక యుద్ధరంగం
కవిత్వం అపురూప వర్ణనలేమి కాదు
అన్యాయాన్ని ప్రశ్నించే శంఖారావం
కవిత్వమంటే కుట్రలను ఛేదించే గాండీవం
కవిత్వం సామాజిక చింతనేమి కాదు
మానవత్వాన్ని పూయించే కవితాపుష్పకం
కవిత్వమంటే సమతమమతల తోరణం
కవిత్వం సమస్యల రణమేమి కాదు
సామరస్య సాధనల దిక్సూచిమంత్రం
కవిత్వమంటే సామాజికతకు దర్పణం
కవిత్వం ఊహల ఊయలేమి కాదు
ఉగ్రవాద ఉన్మాదాన్ని ఎదిరించే కరవాలం
కవిత్వమంటే ఉప్పెనలా పొంగే కెరటం
కవిత్వం అక్షరాల పొందికేమి కాదు
భాషా వికాసానికి నిత్య తారకమంత్రం
కవిత్వమంటే సృజనాత్మక భాషాపరిమళం
కవిత్వం సాహితీ సౌరభమేమి కాదు
ప్రపంచాన్ని పహారాకాసే మణిదీపం
కవిత్వమంటే సమాజహితపు చైతన్యం
కవిత్వం ఆలోచనల తరంగమేమి కాదు
వాస్తవాన్ని ముద్దాడే అసలైన వసంతం
కవిత్వమంటే అనుభవాల అక్షరసంద్రం
✍✍🌷 డాక్టర్ భీంపల్లి శ్రీకాంత్ 🌷
🌷 రైతు మొగ్గలు 🌷
గణేష్ దినపత్రిక 27-03-2018 |
ఆకాశం ఆనందభాష్పాలను రాల్చినప్పుడల్లా
రైతన్న గుండె పరవశించిపోతూనే ఉంటుంది
ఆకాశం నీరే రైతన్న పంటకు పన్నీరు
రైతన్న వానమొగుల్లను చూసినప్పుడల్లా
అక్కరకురాని చుట్టం వానచినుకే అవుతుంది
నిత్యగాయంలా వానకోసం ఎదురుచూపు
ప్రకృతిలో వానకాలం చిగురించినప్పుడల్లా
రైతన్న గుండె తండ్లాడుతూనే ఉంటుంది
జీవితాంతం వానకోసమే రైతన్న బతుకు
రైతన్న మట్టికోసం బతుకుతున్నప్పుడల్లా
అది మమకారాన్ని పంచుతూనే ఉంటుంది
మట్టి అన్నంముద్దను ప్రసవించే అమ్మ
మట్టిలో విత్తనాలు మొలకెత్తినప్పుడల్లా
రైతన్న కంట్లో ఆశలూరుతూనే ఉంటాయి
కాలం కలిసొస్తేనే రైతన్నకు పండుగ
✍✍ డాక్టర్ భీంపల్లి శ్రీకాంత్ ⚘🌷
నవ్య మీడియా Mar 25, 2018, |
పల్లెను ఆత్మీయాలింగనం చేసుకున్నప్పుడల్లా
మది మధురానుభూతుల సంద్రమే అవుతుంది
పల్లె అంటే పసిడిమనసుల మకరందధామం
పచ్చని పాడిపంటలతో అలరారినప్పుడల్లా
పల్లెతల్లి నిత్యం పండుగనే చేసుకుంటుంది
పల్లె అంటే సిరులను కురిపించే కల్పవల్లి
ప్రకృతి పచ్చందనాలతో పరవశించినప్పుడల్లా
పక్షుల కిలకిలరావాల సందడే అవుతుంది
పల్లె అంటే హరితవనపు రుతురాగాల హరివిల్లు
అనుబంధాల ఆత్మీయలతలు అల్లుకున్నప్పుడల్లా
మమకారపు అనురాగాలను పంచుతూనే ఉంటుంది
పల్లె అంటే బంధాలను మోసే మమతలమాగాణం
కష్టసుఖాలను కడుపులో నిత్యం మోస్తున్నప్పుడల్లా
సహనానికి మారుపేరుగా నిలుస్తూనే ఉంటుంది
పల్లె అంటే బాధలను దిగమింగే గరళకంఠం
కల్మషమెరుగని కారుణ్యదీపమై వెలిగినప్పుడల్లా
కరుణామయియై అందరిని అక్కున చేర్చుకుంటుంది
పల్లె అంటే స్వార్థమెరుగని నిస్వార్ధపు దేవాలయం
అందరినీ తన ఒడిలో తల్లిలా దాచుకున్నప్పుడల్లా
ఆప్యాయతల గంధాలను పంచుతూనే ఉంటుంది
పల్లె అంటే ప్రేమానురాగాలను పంచే పుట్టినిల్లు
ప్రభాతకిరణాల వెలుతురులో నిద్రలేచినప్పుడల్లా
సుప్రభాతంలా కోడికూతై ఆలపిస్తూనే ఉంటుంది
పల్లె అంటే ఉదయాన్ని తట్టిలేపే ఉషోదయరాగం
కోయిలరాగాలతో చిలుకపలుకులు పలికినప్పుడల్లా
సప్తస్వరాలను పలికించే సంగీతకచేరే అవుతుంది
పల్లె అంటే మమతానురాగాల మరుమల్లెగంధం
సమైక్యత భావాలకు వేదికలు అవుతున్నప్పడల్లా
రచ్చబండ వెలుగు పంచే దివిటీనే అవుతుంది
పల్లె అంటే న్యాయాన్ని వెలిగించే దీపికలు
✍✍🌷-భీంపల్లి శ్రీకాంత్🌷🌷
మది మధురానుభూతుల సంద్రమే అవుతుంది
పల్లె అంటే పసిడిమనసుల మకరందధామం
పచ్చని పాడిపంటలతో అలరారినప్పుడల్లా
పల్లెతల్లి నిత్యం పండుగనే చేసుకుంటుంది
పల్లె అంటే సిరులను కురిపించే కల్పవల్లి
ప్రకృతి పచ్చందనాలతో పరవశించినప్పుడల్లా
పక్షుల కిలకిలరావాల సందడే అవుతుంది
పల్లె అంటే హరితవనపు రుతురాగాల హరివిల్లు
అనుబంధాల ఆత్మీయలతలు అల్లుకున్నప్పుడల్లా
మమకారపు అనురాగాలను పంచుతూనే ఉంటుంది
పల్లె అంటే బంధాలను మోసే మమతలమాగాణం
కష్టసుఖాలను కడుపులో నిత్యం మోస్తున్నప్పుడల్లా
సహనానికి మారుపేరుగా నిలుస్తూనే ఉంటుంది
పల్లె అంటే బాధలను దిగమింగే గరళకంఠం
కల్మషమెరుగని కారుణ్యదీపమై వెలిగినప్పుడల్లా
కరుణామయియై అందరిని అక్కున చేర్చుకుంటుంది
పల్లె అంటే స్వార్థమెరుగని నిస్వార్ధపు దేవాలయం
అందరినీ తన ఒడిలో తల్లిలా దాచుకున్నప్పుడల్లా
ఆప్యాయతల గంధాలను పంచుతూనే ఉంటుంది
పల్లె అంటే ప్రేమానురాగాలను పంచే పుట్టినిల్లు
ప్రభాతకిరణాల వెలుతురులో నిద్రలేచినప్పుడల్లా
సుప్రభాతంలా కోడికూతై ఆలపిస్తూనే ఉంటుంది
పల్లె అంటే ఉదయాన్ని తట్టిలేపే ఉషోదయరాగం
కోయిలరాగాలతో చిలుకపలుకులు పలికినప్పుడల్లా
సప్తస్వరాలను పలికించే సంగీతకచేరే అవుతుంది
పల్లె అంటే మమతానురాగాల మరుమల్లెగంధం
సమైక్యత భావాలకు వేదికలు అవుతున్నప్పడల్లా
రచ్చబండ వెలుగు పంచే దివిటీనే అవుతుంది
పల్లె అంటే న్యాయాన్ని వెలిగించే దీపికలు
✍✍🌷-భీంపల్లి శ్రీకాంత్🌷🌷
దీనికి సబ్స్క్రయిబ్ చేయి:
పోస్ట్లు (Atom)