డాక్టర్ భీంపల్లి శ్రీకాంత్

చెరువు మొగ్గలు 

భాగ్యనగర్ పోస్ట్ మాసపత్రిక మార్చి 2018

వానచినుకులు నేలపై పడితేనే కదా

తడారిన గుండె పకపకనవ్వేది

చినుకులంటే చెరువుకు పండుగ

కాలువలు నిత్యం ప్రవహిస్తేనే కదా

చెరువులు సంతోషంగా కళకళలాడేది

కాలువలు చెరువులకు చెలెమెలు

చెరువులు నిండుగా నిండితేనే కదా

పల్లెంతా పచ్చదనమై పరవశించేది

చెరువులు పల్లెలకు జలరాశులు

చెరువుతో పల్లె పచ్చగుంటేనే కదా

జీవితం బృందావనమై వికసించేది

చెరువుంటే పల్లెకు నిత్యవసంతం

నిరంతరం ప్రయత్నం చేస్తేనే కదా

ఎండిన చెరువు గణపసముద్రమయ్యేది

కరువును తరిమిన మిషన్ భగీరథ 

బీడువడిన చెరువు కళకళలాడితేనే కదా

వలసపక్షులు తిరిగొచ్చి పంటపై వాలేది

కరువుపై కృష్ణమ్మతల్లి నీటి సంతకం  

చెరువు నిండి అలుగుపారితేనే కదా

రైతన్నల పంటపండి కడుపునిండేది

అలుగు పారిందా అది గణపసముద్రమే

ముప్పై ఏళ్ల కల సాకారమైంతుందంటే

భగీరథుడి విశ్వప్రయత్నం ఫలించినట్టే

అపర భగీరథుడు నీళ్ల నిరంజనుడు

ఎత్తిపోతలను ఒడిసిపట్టుకుంటేనే కదా

ఎండిన చెరువులు నిండుకుండయ్యేది

చెరువులన్నీ ఇపుడు సప్తసముద్రాలు

ఎడారైన చెరువులు నిండినపుడే కదా

తెలంగాణ భూములు పచ్చబడేవి

రైతు బతుకుకు తెలంగాణ భరోసా 

✍✍🌷డాక్టర్ భీంపల్లి శ్రీకాంత్ 🌷