🌷 ప్రకృతిలో వాలిన నవ వసంతం 🌷
సాక్షి మహబూబ్ నగర్ 18-03-2018 |
జీవితం షడ్రుచుల సమ్మేళనమవుతూనే
ఉగాది గొప్ప సందేశమిస్తూనే ఉంటుంది
జీవితమంటే తీపిచేదుల సంగమం
ప్రకృతిని మరింత శోభాయమానం చేస్తూనే
వసంతం సుమధుర పరిమళాన్ని వెదజల్లుతుంది
ఉగాది మనిషిని వెలిగించే మానవతాజ్యోతి
మదిలో సరికొత్త ఆశలను నిత్యం నింపుతూనే
సమతమమతల ప్రభలను వెలిగిస్తుంది
ఉగాది ప్రకృతిలో వాలిన నవవసంతం
జీవితం నిత్యం వసంతమై పూస్తేనే కదా
బతుకునావ హాయిగా ప్రవాహమై సాగిపోయేది
ప్రతి ఉగాది మనిషిని ఉల్లాసపరిచే యవ్వనం
ఛైత్రకాలం కొత్త చిగురులను తొడుగుతూనే
నూతన యవ్వనాన్ని సింగారించుకుంటుంది
ఉగాదికి శాశ్వత ఆత్మీయనేస్తం ఛైత్రమాసం
జీవితంలో వసంతం వాలేది ఒక్కరోజేమి కాదు
రోజూ కొత్త ఆలోచనలు వికసించడానికి
ఉగాది ఒక జ్ఞాపకాల వాసంతసమీరం
ఛైత్రంలో వసంతరుతువు ఆగమిస్తేనే కదా
ఉగాది హరివిల్లులా శోభాయమానమయ్యేది
తెలుగు పండుగంటేనే అందరికీ వెలుగు
✍✍🌷 డాక్టర్ భీంపల్లి శ్రీకాంత్ ⚘🌷🌷
కామెంట్లు లేవు:
కామెంట్ను పోస్ట్ చేయండి