డాక్టర్ భీంపల్లి శ్రీకాంత్

*🌷జీవితం మొగ్గలు🌷*

గణేష్ దినపత్రిక 07-03-2018

ఎంతటి అపురూపమైన అందమైనా

ఎప్పుడో ఒకసారి పాలిపోవాల్సిందే

అందం మనిషికి దేవుడిచ్చిన వరం

ఎంతటి ఆహ్లాదపరిచే ఆనందమైనా

ఒక్క నిమిషంలో ఆవిరి కావాల్సిందే

ఆనందం మనసుకు హాయిగొలిపే వసంతం

ఎంతటి రంగుమారే రాజకీయమైనా

ఎప్పుడో ఒకసారి రాజీపడాల్సిందే

రాజకీయం ప్రజలను పీడించే రాక్షసత్వం

ఎంతటి కష్టనష్టాల బతుకైనా

ఎప్పుడో ఒకసారి ఎదురీడాల్సిందే

బతుకు సాగిపోయే జీవితనావ

ఎంతటి ఆటుపోట్ల జీవితమైనా

బతుకు సమరం చేయాల్సిందే

జీవితం సుఖదుఃఖాల సమ్మేళనం

ఎంతటి సుదూరతీర గమ్యమైనా

ఎప్పుడో ఒకసారి తీరాన్ని చేరాల్సిందే

గమ్యం మనిషి చేరే ఆఖరిప్రస్థానం

✍✍   🌷డాక్టర్ భీంపల్లి శ్రీకాంత్  🌷