|
అంటరాని కులాల బాలికలకు బడిని నెలకొల్పి
విద్యాబుద్ధులు నేర్పిన తొలి ఉపాధ్యాయురాలు
సావిత్రిబాయి పూలే అణగారిన ప్రజల ఆశాజ్యోతి
విద్యాబుద్ధులు నేర్పిన తొలి ఉపాధ్యాయురాలు
సావిత్రిబాయి పూలే అణగారిన ప్రజల ఆశాజ్యోతి
అగ్రకులాల ఆధిపత్యాన్ని అనునిత్యం ఎదిరించిన
బీదప్రజల పాలిట చిరస్మరణీయ సంఘసంస్కర్త
సావిత్రిబాయి పూలే సత్యశోధక సమాజస్ఫూర్తి
బీదప్రజల పాలిట చిరస్మరణీయ సంఘసంస్కర్త
సావిత్రిబాయి పూలే సత్యశోధక సమాజస్ఫూర్తి
కార్మికుల, రైతులకోసం రాత్రిబడులను స్థాపించి
చదువును నేర్పించిన ప్రగతి కాముకురాలు
సావిత్రిబాయి పూలే నిరక్షరాస్యుల కల్పవల్లి
చదువును నేర్పించిన ప్రగతి కాముకురాలు
సావిత్రిబాయి పూలే నిరక్షరాస్యుల కల్పవల్లి
దురాచార మూఢనమ్మకాలను దునుమాడి
వితంతువివాహాలను జరిపించిన వివేకమూర్తి
సావిత్రిబాయి పూలే ప్రగతిదారికి వెలుగుబాట
వితంతువివాహాలను జరిపించిన వివేకమూర్తి
సావిత్రిబాయి పూలే ప్రగతిదారికి వెలుగుబాట
నవభారతాన్ని నిర్మించాలనే సదాశయంతోనే
సంస్కరణల బీజాలను నాటిన ప్రతిభామూర్తి
సావిత్రిబాయి పూలే భారతదేశ ఆణిముత్యం
సంస్కరణల బీజాలను నాటిన ప్రతిభామూర్తి
సావిత్రిబాయి పూలే భారతదేశ ఆణిముత్యం
✍✍🌷డాక్టర్ భీంపల్లి శ్రీకాంత్ 🌷
కామెంట్లు లేవు:
కామెంట్ను పోస్ట్ చేయండి