🌷 మొగ్గలు 🌷
 |
| గణేష్ దినపత్రిక 15-04-2018 |
నాలోకి నేను తొంగిచూసుకున్నప్పుడల్లా
భావాలెన్నో ఉదయిస్తూనే ఉంటాయి
కాలగమనంలోనే ప్రశ్నలకు సమాధానాలు
నేను ఒంటరి వాడినవుతున్నప్పుడల్లా
గతాన్ని తలుచుకుంటూనే ఉంటాను
భవిష్యత్తు ఎప్పుడూ ప్రశ్నార్ధకమే
నా మనసు గాయపడుతున్నప్పుడల్లా
కవిత్వమై కరిగిపోతూనే ఉంటాను
అక్షరాలనిండా గాయాల గుర్తులే
నాలో నేను కుమిలిపోతున్నప్పుడల్లా
కవిత్వంతో సాంత్వన పడుతుంటాను
అక్షరం నా మనసుకు ఆత్మీయనేస్తం
హృదయం బరువెక్కినప్పుడల్లా
కన్నీటి ప్రవాహమై ప్రవహిస్తుంటాను
జీవితంలో అన్నీ కనపడని గాయాలే
✍✍⚘ డాక్టర్ భీంపల్లి శ్రీకాంత్ ⚘🌷
కామెంట్‌లు లేవు:
కామెంట్‌ను పోస్ట్ చేయండి