* 🌷రాత్రి మెగ్గలు🌷*
|
గణేష్ దినపత్రిక 25-02-2018
అలసిన దేహానికి ఆపన్నహస్తమవుతూనే
పిల్లతెమ్మెరలా నిద్రపుచ్చుతూనే ఉంటుంది
రాత్రి అంటే మనిషిని సేదతీర్చే లేపనం
పగలంతా ప్రపంచాన్ని చుట్టుతూ వస్తూనే
రాత్రయ్యేసరికి చీకటికౌగిట్లోకి జారుకుంటాను
రాత్రి అంటే అలసిన మనసుకు ఉపశమనం
మనసును మరిపించే కష్టాలను మరిపిస్తూనే
అది నెచ్చెలిలా సాంత్వనపరుస్తూనే ఉంటుంది
రాత్రి అంటే మనసుకు ఆనందనిలయం
కళ్ళు మూసుకుని హాయిగా నిద్రపోతూనే
సరికొత్త ప్రపంచాన్ని కలగంటూ ఉంటాడు
రాత్రి అంటే కవికి అక్షరాలా తపస్సు
కాలం ఒడిలోని రాత్రి పాన్పుపై నిద్రిస్తూనే
ఆశలదీపాలను వెలిగిస్తూనే ఉంటాడు
రాత్రి అంటే కవికి ఉదయించే రవికిరణం
|
✍✍🌷⚘డాక్టర్ భీంపల్లి శ్రీకాంత్ ⚘🌷
కామెంట్లు లేవు:
కామెంట్ను పోస్ట్ చేయండి