డాక్టర్ భీంపల్లి శ్రీకాంత్

 ** *శ్రీదేవి మొగ్గలు***

నేటి నిజం 20-02-2018

సినిమా జగత్తులో సిరిమల్లెపువ్వులా వికసించి

అభిమానుల్లో అభినయపరిమళాలను వెదజల్లింది

శ్రీదేవి నటనకు ఆచంద్రార్కం దాసోహం

నటనలో నవరసాలను అవలీలగా ఒలికించి

ప్రేక్షకుల హృదయాలను మధురంగా కొల్లగొట్టింది

శ్రీదేవి సినీవినీలాకాశపు అతిలోకసుందరి

అందమైన సౌందర్యాన్ని అందంగా గుమ్మరించి

కోట్లాది అభిమానుల మనసులను దోచుకున్నది  

శ్రీదేవి వెండితెరపై వెలిగిన వెన్నెల మహారాణి

చిలుకపలుకుల నటనతో చక్కగా అభినయించి

ఆబాలగోపాలాన్ని ఆనందంగా అలరించింది

శ్రీదేవి కళామతల్లికి ముద్దులొలికే ముద్దుబిడ్డ

పదహారణాల పడుచుపిల్ల పువ్వులా పరిమళించి

సినీబృందావనంలో సిరిమల్లెలా విరబూసింది

శ్రీదేవి చిత్రసీమలో వెలిగిన ఇంద్రధనస్సు 

✍✍🌷డాక్టర్ భీంపల్లి శ్రీకాంత్ 🌷