*మొగ్గలు*
గణేష్ దినపత్రి 04-02-2018 |
నది ఎన్ని పాదముద్రలను రుచిచూసిందో
ప్రతి అడుగుజాడను భవిష్యత్తుకై లిఖించింది
నది రేపటి చరిత్రకు నాందీవాక్యం
సముద్రం ఎన్ని ఆటుపోట్లను తట్టుకున్నదో
నిత్యం అలల అలజడులతో నిద్రపోతూనే ఉంటుంది
సముద్రం జీవితాన్ని నేర్పే పచ్చని పాఠం
చెరువు ఎన్ని కాలాలను కళ్ళారా చూసిందో
నిత్యం వానచినుకులకై ఎదురుచూస్తూనే ఉంటుంది
చెరువు ఊరంతటికీ బతుకునిచ్చే కల్పతరువు
వాగు ఎన్ని కాలువలను పంటలకు పారించిందో
నిత్యం బీడుపొలాలకు ఆసరా అవుతూనే ఉంటుంది
వాగు రైతన్నను అక్కున చేర్చుకునే స్నేహహస్తం
కాలువ ఎన్ని పంటలను సస్యశ్యామలం చేసిందో
నిత్యం పంట దాహార్తిని తీరుస్తూనే ఉంటుంది
కాలువ రైతుకన్నీటిని తుడిచే ఆపన్నహస్తం
✍ *భీంపల్లి శ్రీకాంత్*
కామెంట్లు లేవు:
కామెంట్ను పోస్ట్ చేయండి