*మొగ్గలు*
గణేష్ దినపత్రిక 20-02-2018 |
అవి భావచైతన్యాలకు ఊపిరిపోస్తూనే ఉంటాయి
ఆలోచనలు ఎగిసిపడే చైతన్యప్రవాహాలు
గుండెలోని బరువును దించుకుంటానా
మనస్సు ఆనందడోలికల్లో విహరిస్తూనే ఉంటుంది
అక్షరాలు ప్రసవించే పురుటినొప్పులే కవిత్వం
సమాజాన్ని కలంతో కాగడా పడుతుంటానా
అది కాలాన్ని పహారాకాస్తూనే ఉంటుంది
కలం సమాజాన్ని చైతన్యపరిచే గాండీవం
నిత్యం అక్షరాలతో దోస్తీ కడుతుంటానా
అవి కవితామాలలై పరిమళిస్తూనే ఉంటాయి
అక్షరాలు కవితలహారాలకు నైవేద్యాలు
గాయాలను అక్షరాలలోకి ఒంపుకుంటానా
అవి మనసును సాంత్వనపరుస్తూనే ఉంటాయి
అక్షరాలు కన్నీటిని ఓదార్చే ఆపన్నహస్తాలు
కామెంట్లు లేవు:
కామెంట్ను పోస్ట్ చేయండి