🌷 మొగ్గలు 🌷
గణేష్ దినపత్రిక 11-05-2018
|
మనసులో దిగులు మేఘం కమ్ముకున్నప్పుడల్లా
బాధలకన్నీళ్ళు చినుకులుగా రాలుతూనే ఉంటాయి
గాయపడిన మనసుకు వసంతకాలమే ఉపశమనం
ఒక అక్షరం కవితాతోరణమై అల్లుకున్నప్పుడల్లా
సాహితీ కుసుమాలు విరగబూస్తూనే ఉంటాయి
అక్షరం సాహితీశ్వాసకు అసలైన ప్రాణవాయువు
జలం కలంసిరాలో ఒలికిపోయి ప్రవహిస్తున్నప్పడల్లా
జలసిరులు ఎండినచెరువులను వెలిగిస్తుంటాయి
జలం కవితాప్రవాహమై సాగే అనంతసాగరం
వసంతాన్ని ఒడిసిపట్టుకోవాలని చూస్తున్నప్పుడల్లా
అది గ్రీష్మాన్ని తాపంతో పలకరించిపోతూనే ఉంటుంది
వసంతం కాలానికి పూచిన పూలచెట్టుపరిమళం
జీవితంలో ప్రతిక్షణం కన్నీరై రాలిపడుతున్నప్పుడల్లా
వెతలవేదనతో గుండెపగిలి రగిలిపోతూనే ఉంటాను
జీవితమంటే దుఃఖాన్ని ఒంపుకునే ఒక అక్షయపాత్ర
✍✍⚘ డాక్టర్ భీంపల్లి శ్రీకాంత్ ⚘🌷
కామెంట్లు లేవు:
కామెంట్ను పోస్ట్ చేయండి