డాక్టర్ భీంపల్లి శ్రీకాంత్

 🌷 పత్రికా 🌷 మొగ్గలు🌷 

గణేష్ దినపత్రిక 02-05-2018

అన్యాయాలపై నిత్యం జూలు విదిలిస్తూనే

సమాజాన్ని కాగడాపట్టే కాంతిరేఖలవుతాయి

పత్రికలు ప్రజాస్వామ్యపు ముద్దుబిడ్డలు

ప్రజల గొంతుకలకు వాహికలవుతూనే

నిజాలను చాటే నిప్పుకణికలవుతాయి

పత్రికలు పహారాకాసే వెలుగుదివిటీలు

అక్రమాలను అడుగడుగున ఎండగడుతూనే

పాలకవర్గాలను పదేపదే దునుమాడుతాయి

పత్రికలు రాజ్యాంగానికి పూసిన పువ్వులు

కటికనిజాలను నిర్భయంగా ఆవిష్కరిస్తూనే

చీకటిబాగోతాలను వెలుగులోకి తెస్తాయి

పత్రికలు వాస్తవాలను ఆవిష్కరించే దీపికలు

సమాజసేవలో నిరంతరం తలమునకలవుతూనే

ప్రజలపక్షాన నిలబడి సత్యాలకు భరోసానిస్తాయి

పత్రికలు చీకటిసూర్యులకు చిరునామాలు

✍✍🌷 డాక్టర్ భీంపల్లి శ్రీకాంత్ 🌷