🌷 అంతర్జాల మొగ్గలు 🌷
 |
🌷 గణేష్ దినపత్రిక 🌷 31-05-2018 🌷
అంతర్జాల ప్రపంచంలో నిత్యం ఆవిరైపోతూనే
నన్ను నేను నిత్యం పోగొట్టుకుంటూనే ఉన్నాను అంతర్జాలం మనిషిని చంపేసే కాలరక్కసి
ప్రపంచాన్ని అరచేతిలో అందంగా చూపిస్తూనే
ఇంద్రధనుస్సులా ఆహ్లాదపరిచే అపరంజిబొమ్మ అంతర్జాలం ఆనందాన్ని పంచే ప్రపంచనేస్తం
అందరినీ నిత్యం చైతన్యవంతం చేస్తూనే
విశ్వవార్తలకు అనంతవేదిక అవుతుంది అంతర్జాలం సూర్యున్ని తలపించే నిత్యకిరణం
కాలాన్ని హారతికర్పూరంలా ఆహుతి చేస్తూనే
రోజూ అనేక సందేశాలతో చేతనాగీతికవుతుంది అంతర్జాలం మనిషిని మెల్కొలిపే సూక్తిసుధాకరం
విశ్వమానవుల గొంతుకలకు ఏకతాస్వరమవుతూనే
విరిసే సరికొత్త స్నేహాలకు స్నేహగీతం పాడుతుంది అంతర్జాలం అపరిచితుల పరిచయక సంగమం |
కామెంట్‌లు లేవు:
కామెంట్‌ను పోస్ట్ చేయండి