మొగ్గలు
అక్షరాలతో ఆడుకుంటేనే కానీ
కవిత్వం విజయమై పలకరించదు
అక్షరాల పోరాటమే కవిత్వం
అక్షరాలకు మకరందాన్ని పంచితే కానీ
కవిత్వం రుచికరమై తియ్యదనాన్ని పంచదు
అక్షరాల నైవేద్యమే కవితాస్వాదనం
అక్షరాలకు సుగంధాన్ని అద్దితే కానీ
కవిత్వం సౌరభమై వికసించదు
అక్షరాలు కవితా పరిమళాలు
అక్షరాలకు సంస్కారాన్ని నేర్పితే కానీ
కవిత్వం మానవతాదీపాలను వెలిగించదు
అక్షరాలు సమాజాన్ని వెలిగించే దీపాలు
అక్షరాలను నిండుగా ప్రేమిస్తేనే కానీ
కవిత్వం ప్రియురాలై వెంటపడదు
అక్షరమే సమాజానికి ప్రేమకానుక
డాక్టర్ భీంపల్లి శ్రీకాంత్
Dec 17,2017 నవ తెలంగాణ
కామెంట్లు లేవు:
కామెంట్ను పోస్ట్ చేయండి