🔹రుబాయిలు🔹
1.నీ కోసం నిరంతరం ఎదురుచూస్తుంటాను
రోజుకు ఒకసారైనా నీ పేరు జపిస్తుంటాను
ఎదురుచూపులోనే ఆనందం ఎంతో ఉంది
నీవస్తావనే ఆశతో కాలం గడుపుతున్నాను
****
2. నీ కోసం ఎన్నో ప్రేమ కవితలు రచించాను
నీకై మరెన్నో విరహ గీతికలు రచించాను
నీవే ఒక ప్రేమ కావ్యం నాకు
నీ కోసం ఎన్నో ప్రణయ కావ్యాలు లిఖించాను
****
3. నీ కోసమేగా నేను బతుకు తున్నది
నీ పిలుపుకోసమే నేను వేచి ఉన్నది
ప్రేమంటే ఎన్నో యుగాల తపస్సు
నీ రాకకోసం మనసు ఉవ్విళ్లూరుతున్నది
****
4.పూవులా వచ్చి నువ్వు పరిమళమైవ్యాపిస్తావు
జాబిలివై వచ్చి నువ్వు వెన్నెలను వెదజల్లుతావు
ప్రకృతికి నువ్వు ప్రతిరూపానివి
వసంతంలా వచ్చి నువ్వు పూలు పూయిస్తావు
డాక్టర్ భీంపల్లి శ్రీకాంత్
కామెంట్లు లేవు:
కామెంట్ను పోస్ట్ చేయండి