కవిత్వం రాస్తూ కాలంతో పోటీపడుతుంటాను
కవితను అల్లుతూ అక్షరాలతో కుస్తీపడుతుంటాను
కళ్ళముందు వాస్తవాలు ఎన్నో కనపడుతున్నా
కలంతో అక్షరాలా తపన పడుతుంటాను
కళ్ళల్లో ఎన్ని కనిపించని సుడిగుండిలున్నా
కన్నీటి చారికలతో జతకడుతుంటాను
ప్రేమించని మనుషులెందరో సమాజంలో ఉన్నా
లోకం తీరును చూసి కలవరపడుతుంటాను
మంచిచెడులన్నవి మనిషిలో నెలకొని ఉన్నా
మంచికి నేనెపుడు సదా జైకొడుతుంటాను
గుండెల్లో ఎప్పుడూ బాధ రగులుతున్నా
కలత చెందకుండా నిదుర పడుతుంటాను
చీకటివెలుగులే ఎప్పుడూ జీవితంలో *భీంపల్లి*
గాయాలనెపుడూ నేను దూరం పెడుతుంటాను
డాక్టర్ భీంపల్లి శ్రీకాంత్
కామెంట్లు లేవు:
కామెంట్ను పోస్ట్ చేయండి