నీ కళ్ళల్లో నవ్వులు చూస్తేనే కదా
నా మనసంతా ఆనందతాండవం
నీ చూపులు విరిసే అరవిందాలు
నీ పలుకుల్లో తీపిని రుచి చూస్తేనే కదా
నా హృదయమంతా తేనేల సోనలు
నీ చిలుక పలుకులు వెన్నెల జలపాతాలు
నీ అడుగుల్లో నాదాల సవ్వడిని వింటేనే కదా
నా గుండెలో సరిగమల రాగాలు
నీ పాదముద్రలు ప్రేమకు ద్వారాలు
నీ ప్రేమలో అనురాగం విరబూస్తేనే కదా
నా జీవితమంతా రసగంగ ప్రవాహం
నీ ఆత్మీయత అనుబంధానికి వారధి
నీ హృదయంలో కాస్త చోటిస్తేనే కదా
నా జీవితం ఎల్లప్పుడూ ధన్యమయ్యేది
నీ ఉచ్ఛ్వాసనిశ్వాసలే నాకు ఊపిరి
✍ *భీంపల్లి శ్రీకాంత్*
కామెంట్లు లేవు:
కామెంట్ను పోస్ట్ చేయండి