మనిషి ఎదలోతుల్లోకి తొంగిచూస్తేనే కదా
ఆటుపోట్ల అలజడులు కనిపించేవి
జీవితం అనంత కల్లోల సముద్రం
జీవితంలో తప్పటడుగులు వేస్తేనే కదా
అసలైన పాదముద్రలు గమ్యాన్ని చేరేవి
అడుగులు విజయాన్ని ముద్దాడే సూచికలు
పోరాటంలో గెలుపోటములు సహజమే కదా
స్వయంకృషితోనే విజయానికి బాటలు పడేది
సంకల్పబలమే మనిషికి విజయసోపానం
నిత్యం కవి గుండె గాయపడితేనే కదా
కవితలు కన్నీటిప్రవాహమై జాలువారేవి
కవి కవిత్వం సమాజాన వెలిగే సూర్యబింబం
మనిషి కోరికలను అణచివేస్తేనే కదా
జీవితం నిత్యం సుఖసంతోషాలతో గడిచేది
కోరికలు మనిషిని పిప్పిచేసే జలగలు
✍ *భీంపల్లి శ్రీకాంత్*
కామెంట్‌లు లేవు:
కామెంట్‌ను పోస్ట్ చేయండి